Go to ...

Soomalipost News

Ogadentoday Press- Ogaden News, Ethiopia and Somalia on YouTubeRSS Feed

WAA SUGULLE IYO MARKALE: Qaybtii 4aad ee Maxaa ka Khaldan Dastuurka Ethiopia.


Facebook0
Facebook
SHARE
YouTube
YouTube


 

Waxaynu wali ku dhexjirraa sidii aynu u macneyn lahayn dastuurka Ethiopia, oo aynu ugu garaabi lahayn qofkii Soomali ah ee diiddan, kii doonayana aynu gacanta uga qaban lahayn. Waa tii aynu soo aragnay meesha uu ka billaabanayo, iyo qodobka dhoola-tuska u ah (39aad), ee lagu indho-sarxaadiyey dhallinteennii yaryareyd iyo odayaasheenniba. Dastuurka addunku waa kan u edeega ummaddiisa, ee ilaaliya, nabadgalyadooda, sugana sidii qof walba ugu noolaan lahaa nolol sharaf leh, oo cizi leh, oo karaama leh, oo cabsi la’aan ah, sida uu dhigayo Human Rights Charter-ku qodobkiisa 1aad, illaahayna inoogu sheegay quraankiisa.

Qofka la yidhaahdo “I was born to be free” ee faallada quruxda badan soo qoray, ayaan wax yar ujaawabayaa, intaanan galin qormadaydan soo socota. Wuxuu yidhi sidan:

Marka hore adban usalamaya mr sugule marka labad waxan dhiibanaya su*al taaso ah qodobka 39aad iyo dhaman shantiisa qaybodba waxay ku bilabanayan qomiyad kasta iyo umad walba o itoobiyaan ah… Hadaba saw lama odhan karo inagu halkasaynuba ku baxayna o maba nihin itobiyan?! Haday jawabtu noqoto HAA dee maxaba inagu dhex wareeriyey itobiya iyo dasturkeda? Dasturse malagu qasbi kara umad an ogayn mel lagu qoreyba? o waliba an ku haysanin wax xuquq muwadinnimo ah! Haday jawabtu MAYA noqotana waxa meshan kuutala su’ashii kale e ahayd gorma ayeynu noqonay itobiyan?! Xagaynu kunoqonay?! Yaase inagadhigay?! Waxan u mahad celinaya marlabad mr sugule

Si aad iyo aad u wanaagsan ayuu qofkaasi u fahmay runtii waxa aan ka hadlayno oo dhan (waxaan filayaa in uu background wanaagsan u leeyahay cilmiga Logic ama uu wax ka bartay sharciyada, sida ka muuqata magaca uu la baxay ayuuna yahay, he/she was born to be free and she wants to maintain freedom for real), dood aad u dhisan ayuu soo gudbiyey, laakiin ma waxaa la qumman in aynaan dastuurka Ethiopiaba soo hadal qaadin? waa sida uu hadalka u dhigaye, mise wuxuusan ogeyn in dad badan oo reer Ogadeniya ah, laga dhaadhiciyey in uu dastuurka wax walba u oggolyahay? Mise wuxuu leeyahay kuwaas la cabsiiyey dastuurka wax ka dhaadhicin kara in uusan ahayn wax macno leh ma jiree, yaan lagu daalin? Qodob doodeedkeena Su’aal iyo Jawaab ayaan ku lafa guri doonaa, laakiin waxa aynu ugu talagallay macneynta dastuurkaba waa in ay fahmaan inta aan fahmin iyo inta ku jaha wareersan. Rag waaweyn oo yidhi war dastuurka Ethiopia ma rabno, ayaan weeydiiyey su’aasha ku saabsan sababta ayna u rabin, waxay iigu jawaabeen Amxaarada ayaan necebnahay. Jawaab sax ah ma aha taasi marka. Adduunku kaa dhageysan mahayo wax baan necbahay.

Bal maantana aynu qaada dhigno qodobka 40aad oo ah kan ugu muhiimsan ee laga garan karo in la haysto dhulkeenna iyo sababta loo haysto.

 

Article 40. The Right to Property. Xuquuqda Hantida

 

  1. Every Ethiopian citizen has the right to the ownership of private property. Unless prescribed otherwise by law on account of public interest, this right shall include the right to acquire, to use and, in a manner compatible with the rights of other citizens, to dispose of such property by sale or bequest or to transfer it otherwise. Qof kasta oo ah waddani Ethiopian ah wuxuu xaq u leeyahay in uu yeesho hanti u gaar ah. In uu ka joojiyo sharcigu dan guud uga jojiyo mooyane, xuquuqdaas waxaa ka mid ah haysasho, isticmaalis, si waafaqsan sida waddaniyiinta kale, in uu ku takri-fali karo hantidaas isaga oo iibin kara, laga dhaxli karo ama wareejin kara.

 

Faallo badan uma baahna qodobkani. Kagudub

 

  1. “Private property”, for the purpose of this Article, shall mean any tangible or intangible product which has value and is produced by the labour, creativity, enterprise or capital of an individual citizen, associations which enjoy juridical personality under the law, or in appropriate circumstances, by communities specifically empowered by law to own property in common. “Hanti gaar ah” waxaa noqon kartaa mid guurta ah iyo mid maguurta ah oo leh qiimo oo lagu soo saaray xoog-shaqo, halabuurnimo, dhaqdhaqaaq ama dhaqaale shaqsiga waddaniga ahi la yimid, shirkado howshooda ku fushada si sharci waafaqsan, ama xaalad ku habboon oo ay bulshadu u oggolaaday sharcigu in ay hantidaa guud yeeshaan.

 

Faallo badan uma baahna qodobkana. Kagudub. Qodobkaan u soo soconay waakan 3aad, ha u daymo la’aanina.

 

  1. The right to ownership of rural and urban land, as well as of all natural resources, is exclusively vested in the State and in the peoples of Ethiopia. Land is a common property of the Nations, Nationalities and Peoples of Ethiopia and shall not be subject to sale or to other means of exchange. Xuquuqda lahaanshaha dhul gaar ah oo miyi iyo magaalaba ah, iyo kkayraadka dabeeciga ah, waxay si cad oo khaas ugu tahay dowladda dhexe iyo shucuubta Ethiopia. Dhulku waa hanti ka dhaxaysa qowmiyadaha iyo shucuubta Ethiopia lamana iibin karo, wax kalana laguma baddalan karo.

 

Gobolladu waxay ku kala qanisanyihiin khayraadkooda dabeeciga ah ee eebbe siiyey iyo baaxadda dhulka ay leeyihiin. Meel walba oo addunka ka jirto dowlad federal ah, khayraadka dabeeciga ah waxaa iska leh qowmiyaddaas gobolkaas degta, lama arag, lamana maqal khayraad dabeeci ah oo gobol leeyahay oo la yidhi gobolladii oo dhan ha ka dhexeyo. Macnaha uu leeyahay ismaamul maxay tahay, haddii uusan lahayn hanta gaar ah, iyo kheyraadiisa dabeeciga midna?! Qodobadan baa la rabaa in lakala saaro:

 

  • Waxaa laysku khaldayaa halkaas dadka shacabka ah, iyo dowladaha ka jira waddanka. Dadka shacabka ah ee Ethiopianka ah oo dhan, qofkii soo dega degaankaas ee diyaar u ah in uu ku hadlo luuqadda deggaankaas, caruurtiisana wax ku baro luuqaddaas, wuxuu xor u yahay in uu wax ku yeesho khayraadka dabeeciga ee gobolkaas uu leeyhay, isaga oo ka shaqeysanaya, canshuurtana dhiibaya.
  • Laakiin khayraadkii dabeeciga ahaa ee uu lahaa deegaankaasi ayaa ka dhaxayn kara, gobollada oo dhan sharci ma aha, oo ay maamuli dowladda dhexe.
  • Dowladda dhexe haddii ay maalgaliso ama u raadiso deyn shisheeye khayraadkii dabeeciga ahaa, boqolkiiba wax bay ku yeelaneysaa hantidaas. Haddiise gobolku isagu maalgashado,  sadadii loo qaadi jiray dowladda dhexe wax ka badan lagama qaadayo.
  • Sideedabana in ay khayraadkaas dabeeciga ah laga maamulo dowladda dhexe macnaheedu waxaa weeyaan, dowlado ismaamula ma jiro, li’annoo waxaa dowlad lagu yahay khayraadkaas dabeeciga ahe. Ma mishaarka shaqaalaha iyo adeegga bulshada ayey dowlado xor ah iyo ismaamul buuxa ku yihiin.
  • Sida uu qodobkani caddeynayo, waxaa weeye, tusaale ahaan, shidaalka laga soo saaro deegaanka Ogaden, waxaa maamuli Ethiopia, warshadihiisa waxaa laga dhisi karaa meelkasta oo waddanka ah, dhaqaalaha ka soo baxa intii la rabo ayaa lagaa siinaya. Marka wax hanti ah ee la haysto ee gobollo lagu kala yahay maxay tahay!

 

Haddaba sida ay arrintani ku timid baan idiin sheegi. Ma idin lahaa, Maxamed Faarax (Ogadentoday) maqaal uu soo bandhigay ayaan aad uga danqaday. Qodobka aan ka danqaday wuxuu ahaa: Ninka uga Wakiilka ka ah Bangiga Addunka ee saldhigiisu yahay Ethiopia, ayaa isaga oo ku hadlaya magaca international communitiga ee deeqda bixiya ayuu gobo badan ka sheegaa in ayna Ethiopia wax khayraad ah oo dabeeci ah ayna lahayn, tan Ogadeniya mooyee. Bal akhriya, inta wabi, iyo laagood iyo bananka dihin, xoolaha, dhirta, iyo gaaska iyo batroolka uu gobolku leeyahay. Ethiopiayada kale, dhul la beerayey kumanaan sano oo carradii nabad guurtay, oo dadkii ka batay ayey leeyihiin. Marka khayraadka dabeeciga ah ee Ethiopia ka dhexeyni waa taas Ogadeniya taalla. Waxaa lagu naaneysaa Ethiopia “The Green Famine” Gaajadii Cagaaryd. Dhulka illaahay siiyey baa dhul jooggisu sareya ah, marka roobka ayaa ku badan, marwalbana dhulku rays buu leeyahay. Laakiin ciddii baa nabadguurtay, oo wax aan haram/dulin ahayni kama soo baxo illaa bacrimiye/fertilizer qaali ah lagu shubo mooyaane.

 

Dhulkeenii baa laynagu diray oo la yidhi waa “qoollaa” desert. Desert waxaa la yidhaahdaa dhul saxare ah oo aan roob lahayn, oo aan geed ka bixin. Gobolkeenna roobka ku da’a waa celcilis ahaa wax ka badan 800 mm/sanadkii. Dhirtana, meel cagaf qodday mooyaane meel kale oo la maro malah, xoolaha ku nool Ogadenia waxay dhanyihiin xoolaha ku nool Sub-Saharan Africa 35% oo ka mid ah. Gaaska iyo batroolkana waa waxa ay ugu loollamayaan shirkadihii adduunka ugu waaweynaa. Illaa maalintii la helay, 1935 illaa hadda waxaa yimid oo tartan u galay wax ka badan 94 shirkadood oo gaaska baadha.

 

Haddiiba intii lala heshiiyo Ethiopia la odhan lahaa, sidani suurto gal ma ahee, khayraadkanaga nala yeelan meeysaane, aan wax ka badalno dastuurkana, eeg Qodobka 106aad qufulka saaran inta uu la eg yahay. Waa inoo qaybta 5aad iyo Qodobka 106aad.

 

La soco “Markale iyo Sugulle iyo qaybta 5aad”- Sugulle

 

12 Responses “WAA SUGULLE IYO MARKALE: Qaybtii 4aad ee Maxaa ka Khaldan Dastuurka Ethiopia.”

  1. avatar March 27, 2016 at 12:11 am

    Waxaa wax lala yaaba ah in qof walba wixii maskaxdiisa ku soo dhaca is kaga hadlo
    Walaalayaal Ethiopia Dastuurka ayey ku midawday waana Qoomiyado badan oo isu tagay Somaaliduna waa Qo/ka mida
    Mida kale maanta iyo bariba We are Ethiopian wa su’aal goormaan Somali noqonay wll Cidii somali ah somalia Xuquuqdiisa ha u Doonto
    Tan kale adeer fulay cararay kadibna Nolol xun oo Qaxootimo ah helay waxba Shacabkan yuuna wareerinin
    Hal Arina maskaxdiina galiya Ethiopiadii Cunsuriga ahayd meesha way ka baxday ee waa nin wax qabadkii

  2. avatar March 27, 2016 at 7:06 am

    qoraaga waxaan leehay horta in wax la qoro ma xuma lkin si xun wax u sheeg sixir waa ka daranyahay ayay smalidu dhahdaa .
    waa run khayraadkeenu wuu dihinyahay cid inagu haysatana ma jirtee horta hadaad aqonyahan tahay dadka maad u sheegtid wixii anfacaya iyo dhulkooda sida ay wax ugala soo bixi lahaayeen.

    kaba soo qaad aan hadalkaaga kuu raacee oon ka dhigo umadeena wax la guumaystee aaway dhulka nalaga qaatay aaway .
    sxb ogow qoomiyad qoomiyad kale waxeeda qaadan karto ma jirto sheekada raqiiska ah inaga daaya oo ummada waxii anfacaya usoo qora .

  3. avatar
    Jubba
    March 27, 2016 at 10:30 am

    Asc Mr sugule aad ayan ku salamaya wadna ku mahad santahay inaad nooga faa iidayso aqoontada dad badan waxad mooda inaysan fahmin xigmada aan ka faa iiday maqaalada aad soo qortay
    lkn dhalinta baratay afka soomaaliga sida loo qoro oo kali ah waxay moodan in qofkasta wuxuu doono iska qoro
    bal illa arka GARAAD ALI wuxuu soo qoray in itoobiya tahay qowmiyado ku midaysan dasturka soomaaliduna ka mid tahay misna mar kale wuxu yidhi qofkii soomaali ah soomaaliya xuquuqdisa ha u doonto!!
    Qofku hadii uusan fahmin waxa laga hadlayo faaladira waa lagu wareeri
    lkn hal su aal oo maqaalka ka baxsan aan sugule waydiyo
    Maxaa loogu calaamadeeyaa onlf qofkii gayigeena xaqiiqda ka sheekeya?

  4. avatar March 27, 2016 at 5:52 pm

    hadaan u jawaabo qofka isku magacaabay Jubba waxaan leehay sxb somali waan nahay lakin jumhurida somaliya ma nihin waxna nagama dhaxeeyo aan afka ka ahayn ruuxa kasoo jeeda ddsi ama ogaden dhahoo somaliya markuu tago waa laaji ama qoxooti .aan kusii bayaamiyee markii uu umadeena dhargiga dhiigyacabka ahaa dhibayay ee ay somalya u qaxeen qoxooti ayaa la qoray ee lama qorin barakayaal waxaan jeclaan lahaa inaad wax badan akhrido .
    sxb abwaankeeni waynaa ee dhoodaan miyaadan maqlin markuu lahaa alle raxmadii haka waraabiyee

    Shilka dhacay shaqaaqada dhulkiyo, shaarubkiyo boobka

    · Waabeeyo shiilka u bartiyo, shuushka hadhi waayey

    · Ragbaa shaash libaax leh iska dhiga, waana shurunshuure

    · Shaxshaxdu waa bilaash iyo, tab uu shariirsado e

    · Runtii shimiqda lagu dhuumin jiray, shaaracaan tubiye

    · Shooba shoobadii Xamar kolkay, shaandho nagu miirtay

    · Hargaysaba shux way naga heshiyo, shuuqsi maalka ahe

    · Ogaadeenya waxa shiiqiyaa, waa shirkadahaase

    · Runtii shimiqda lagu dhuumin jiray, shaaracaan tubiye

    · Gabayadaan shareeraayey ee, waayo badan sheegay

    · Cidna haatan kama sheelayee, waw sharaxayaaye

    · War sheelsheelin mooyee hortii, maba shihiidayne

    · Saakaan dagaal iyo shirabi, weerar shaaximane

    · Shaqalkiyo rag waa inaan shibane, kula shabaaxaaye

    · Runtii shimiqda lagu dhuumin jiray, shaaracaan tumiye

    · Shafeecadii ka qade Xaylihii, sheemay nolosheena

    · Shar Soomaalibaa noo badalay, oo shaxeex kulule

    · Shaamareer ma haysteen, hadduuu shiri Ogaadeene

    · Shucuurta aan xaqiiqada ogayn, lalase shoocaayey

    · Shinbir weeye taa malabadaa, sheedda ka eryoone

    · Ragga shilinka Soomaaliyiyo, shuumidda u jeeda

    · Ee shuuriyee alloomee dhulkee, sharac Allee diida

    · Runtii shimiqda lagu dhuumin jiray, shaaracaan tubiye

    · Shariif iyo Absamaha kaliyo, nimanka Sheekhaash leh

    · Shufti waalan mooyee waxaa, shaac bax uga dhaartay

    · Xeebtiyo Shalaanbood waxaa, shuuro kaga beertay

    · Waxa ii shaqee yidhi intuu, shilimo qaar siiyey

    · Sharcaa loo sinaan waxaa yidhoo, hoosta naga shiiday

    · Waxaa sheedda maad naga tusoo, laabta naga shiishay

    · Shansho iyo tagoog waxaa jabshoo, shirixsi noo laayey

    · Runta keenii sheegana waxaa, Shabaqle fiid saaray

    · Shib ahow waxaa yidhi anaa, kuu shaxaad tegiye

    · Oo shuruflihiisiine yidhi, shawshab taladooda

    · Soomaalidaa ladaba shaanbin, ee cuni shabaabkiiye

    · Runtii shimiqda lagu dhuumin jiray, shaaracaan tubiye

    · Shunbul raacii Soomaaliyee, dhaax na shabakeeyey

    · Shawahaadii bay nagu rogtiyo, been la shaadibo e

    · Sholdho’aysan maysaan ra’yiga, galay shafkiiniiye

    · Shanqadh inagu duullaan ah, baad sharaf u yeesheene

    · Shaamareer ma haysteen, hadduu shiri Ogaadeene

    · Kolba shaadhkii Xamar wiil sitaa, shuush nasoo galine

    · Rag dadkayga shaanshaan xilliyo, shalaw ka tuuraaya

    · Shaahay isiiyaanba waa, inaan sharaystaaye

    · Badowgaan shakiyin ee sadkaa, shaarubta u feedha

    · Markuu ceeb shin dhalada u taguu, dib u shalaytoone

    · Oo waa shamac nin qooshtiyo, anfaco lama shifaystaane

    · Shalaqooti bay nagu ridi iyo, shawli gudihiise

    · Dushay naga shammiitayn si ay, nagu shifaystaane

    · Anna siday tolkay ugu shacturi, shuufay cadawgaase

    · Shuraakaa makrigii boobtayoo, shaki lagu soohye

    · Shar-ka-cawdu jaan baa watiyo, magacii shaydaane

    · Shiiniyo waxaa lagu baryaa, shaababka Carbeede

    · Rag baa kaga shukaansada Qarbiga, shaati iyo soore

    · Runtii shimiqda lagu dhuumin jiray, shaaracaan tubiye

    · Shaamareer ma haysteen, hadduu shiri Ogaadeene

    · War aayaha shukada loo gashayee, sha’nigu muujay

    · Shiqinnimiyo tuugadu ma galin, shalayto Soomaale

    · Dharaartay xornimo shaawirtay, xeel shintiriyeene

    · Oo shinniyayntii buu la askunnaa, weerarkii shalaye

    · Shacbigay dhaceen iyo dadkay, naga shidhaysteenba

    · Shuqul xumaddii hoosaa ka daran, sheexi mahayaane

    · Xataa shibilkaaba noo dawladayn, ama shifeerkoode

    · Runtii shimiqda lagu dhuumin jiray, shaaricaan tubiye

    · Shaamareer ma haysteen, hadduu shiri Ogaadeene

    · Inay shabakad dheer daadsatayoo, nala shirqoolaayey

    · Calanka ay shan Soomaaliyeed, noogu shaabahato

    · Shabeelada maxaa laba ka dhigay, sheedda kala haysta?

    · Summadda xaashiyaha lagu shaqliyo, shiidka dawligaba

    · Shantay calanka siiyaan, maxay shaabbadu u wayday?

    · Markay shukaanta laba yeelatiyo, shaal xorriyadeedeka

    · Saddex baa shixnado loo qasdiyo, shaagga boodhka lehe

    · Sirtaa shayba caynka u rogtay, shaahido arkeene

    · Runtii shimiqda lagu dhuumin jiray, shaaricaan tubiye

    · Shaamareer ma haysteen, hadduu shiri Ogaadeene

    · War shiidaadintaa boobka ay, nagu shifaysteene

    · Shillal bay na saartayoo caqligay, noo badali shaybe

    · Shirix iyo Soomaalaa boqnaha, shaaldo nagu goyne

    · Runtii shimiqda lagu dhuumin jiray, shaaracaan tubiye

    · Shaadali sidii oo kalay, nagu sharaabeene

    · Shashafada sideediyo baruur, noo shariirsada e

    · Aroorkaan Shilaabo u wadnay, Shilindi geeyeene

    · Soomaaliyaa shidaadine la eed, shubidda geeliiye

    · Kol hadday shidaaradi gashana, damacii shaashoowye

    · Tooda nimaan shishlaynoo dagaal, kugu shuqaynaaya

    · Shakaalkaa inaan ugu jirraa, waw shirbiyo guule

    · Shardi weeye xaajada inaan, di b uga shawraaye

    · Shamsada Bari Shaxdiyo Ayshaciyo, sheedda Harar oo dhan

    · Shakooraha Sidaamiyo Hawaas, Shaakis iyo Baali

    · Durur shalaxle webi shawle iyo, togaan sharuur beelin

    · Wax ku shaakhsanaa iyo haddii, loo shalwado Koonfur

    · Dhulkaasaa shubbaantii lahayd, shawshabtaa Xamare

    · Shucuubtaay ka fiirsoo haddii, layska shabin waayo

    · Shuli-haaluf beeshoo ah iyo, waa shuf taladiine

    · Annigana shakhsiga ii dudoow, maad shudada dhawrtid
    walaal jubba somali ma nihin ma nihin

  5. avatar March 30, 2016 at 3:57 am

    ASC,

    Meel aan laga hadlaynin bay ka hadlayaan dadka qaarkood mana aysan fahmin qoraalka sidiisaba mana fahmi doonaan inta ay sidaas yihiin. Durbaba waxaa ii soo baxday qoladii Civil Society College kii Melez Zenawi. Barakacayaal, Qaxooti, Soomaali iyo Itoobiyaan intaba way iskaga qasan yihiin dadkan qaarkood.

    Hadaad wax ka hadlaysaan waxa qoraalka quseeyo ee dooduna quseeyso un ka hadla hadii kale iska aamusa fadlan waxbo soo kordhin maysaane. Dhaqanka Soomaalida iskaga batay wax aan muuduuca ahayn in la dhex dabaasho.

    Qoraaladan Mr Sugulle dhowr sano ka hor buu qoray waana dhaxal gal runtii, waan ugu mahadcelinayaa qoraaladaas sidoo kale bahda Ogadentoday dib u daabicistooda mar kale.

    Mahadsanid

  6. avatar March 30, 2016 at 8:45 am

    Dadka marka gel looheso goroyo uhesa baajira

  7. avatar March 30, 2016 at 8:58 am

    Itoobiyan manihin qoomiya utagtayna manihin waanalgumaystaa waaye nasiibdaro qof ogadeniya udhashay in siyaabaha Qaar wax uqoro dhibaato waxaa ah in nin walba meel uu ucadhaysnaa kuladhaco cadhadiisa wax lagahadlayo iskagarab maro

  8. avatar March 30, 2016 at 9:08 am

    Sugule mahadsanid xaqkahalka baadil baa garabsocda Safarku wuusocon ayduna way ciyi

  9. avatar April 8, 2016 at 5:16 pm

    k k k kkkk Somali isku wareersan dheh
    warqoraalku yuuuu wax usheegayaaa ma Somali wayn baaaa ,ma DDSI.ma ONLF baa,mise

  10. avatar April 8, 2016 at 6:17 pm

    hadii jawaabtu tahaya Somali wayn
    somaliwayn waxkamagalin khayraadka ogadenia ama DDSI
    haday jaabtu tahay ddsi
    ddsi waaa deegaan katirsan Ethiopia ilaa mudo dheer hadana hormar fiican haysta marka looeego xiliyadii hore
    siyaasada mustaqbaleedna umeel taalo
    haday jawaabtu tahay ONLF
    onlf ayadaba siyaasad xumi wadanka kakaxaysay ayadoo talada iyo tageeraha shacabkaba haysata barqina iskaga baxaday wadanka ooo duurka gashay hadana waxay shirwalba dhahaan walalahanaga OLF ( waaa urur hubaysan ooo kadagalama oromiya ) marka kuwaasna wax sheegoodu waxba matarayo ayaday ayagu olf walaalo yahiin anagaba EPRDF ayaan walaalo nahay shacabka ogadeniayana faaiido uma keenayaan kamana sugayo

  11. avatar April 19, 2016 at 10:45 am

    Sorry salaan kadib waxaan marki
    Hore kuqoray meelKhalada
    Masoogalinkarta qodobka 106
    Dasturka ithobiya
    Mahadsanid

  12. avatar April 29, 2016 at 12:21 pm

    Amharic version of this constitution shall have the final legal authority
    saas ayuuu dhahayaaa qodobka 106 eee dastuurka dalka Ethiopia macnihiisana wuuuu cadyahay

Leave a Reply

Your email address will not be published. Required fields are marked *

More Stories From Somali

avatar

About admin